Mae Siop Un Stop – One Stop Shop wedi penodi Zoë Rushton fel eu mentor newydd. Bydd Zoë yn darparu ymgynghoriadau un-i-un ar gyfer cyngor ac arweiniad arbenigol i’r rhai sydd newydd ddechrau eu gyrfa yn y diwydiannau sgrin, yn ogystal â’r rhai sydd eisiau newid yn eu gyrfaoedd presennol sy’n edrych i uwchsgilio neu newid cyfeiriad o fewn ffilm a theledu yng Nghymru. .
Mae Zoë yn arbenigwr yn y diwydiant darlledu gyda dros ddeuddeg mlynedd o brofiad mewn talent, recriwtio, mentora ac allgymorth a deuddeg mlynedd arall ym maes cynhyrchu teledu. Mae hi wedi gweithio ar bob lefel o Rhedwr i Uwch Gynhyrchydd/Cyfarwyddwr. Mae ganddi gysylltiadau da iawn o fewn y diwydiannau creadigol yng Nghymru a ledled y DU ar ôl gweithio ar draws sawl genre gan gynnwys Ffeithiol, Cerddoriaeth a Digwyddiadau, Rhaglenni Dogfen a Drama.
Ychydig eiriau gan Zoë… “Fy angerdd yw dod o hyd i gyfleoedd i’r rhai a allai wynebu rhwystrau a’u cefnogi trwy eu gyrfaoedd cynnar. Os ydych chi newydd ddechrau yn y diwydiant ac angen rhywfaint o gyngor, help i lywio’r farchnad swyddi neu yn chwilio am gyfleoedd hyfforddi, mae croeso i chi gysylltu. Nid oes y fath beth â chwestiwn gwirion!
Neu os ydych chi’n weithiwr llawrydd sefydledig sy’n chwilio am gyngor ar uwchsgilio, newid llwybrau neu hyfforddiant diwydiant, mae’r drws bob amser ar agor.”
Bydd Siop Un Stop – One Stop Shop ar agor i fusnes yn yr wythnosau nesaf!
