Mae’r dyddiad cau ar gyfer y swydd hon wedi heibio.
Cwmni: Boom Plant
Rôl Prentisiaeth: Prentis Rhedwr
Lleoliad: Caerdydd
Am y Sefydliad
Mae Grŵp Boom yn un o gwmnïau cynhyrchu mwyaf Cymru. Sefydlwyd ni yn 1994, ac mae’r cwmni bellach yn cynhyrchu dros 400 awr o gynnwys aml-genre yn flynyddol i S4C, BBC, ITV a C5. Drwy ein hadrannau teledu a digidol, Boom Cymru, Boom a Boom Plant, mae gan y grŵp brofiad helaeth o gynhyrchu cynnwys ffeithiol, adloniant ffeithiol, adloniant, drama a phlant. Un o brif nodweddion ein cynyrchiadau yw’r cyfuniad o stori gref a gwerthoedd cynhyrchu uchel. Mae Boom Cymru wedi ymroi i gynhyrchu cynnwys o’r safon uchaf i’r darlledwyr Cymreig – S4C, BBC Cymru ac ITV Cymru, ac mae adran Boom yn canolbwyntio ar greu cynnwys cymhellgar i ddarlledwyr rhwydwaith Prydeinig a’r farchnadoedd ryngwladol. Rydym hefyd yn falch iawn o’n cynnwys adloniannol a dyfeisgar ar gyfer yr amryw blatfformau cymdeithasol.
Fel un o gynhyrchwyr cynnwys plant mwyaf Prydain, mae arbenigedd Boom Plant yn pontio rhaglenni o oedran meithrin i blant 13 oed. Mae’r adran yn gyfrifol am ran helaeth o gynnwys meithrin a phlant S4C, ac yn coflogi dros 50 aelod o staff llawn amser. Wedi ei lleoli ym mhencadlys Boom yn Gloworks, Caerdydd, mae Boom Plant yn gartref i 2 stiwdio HD, galeri gweithredol ac adnoddau ôl-gynhyrchu eang.
Mae grŵp Boom yn cyflogi tua 230 aelod o staff yng Nghymru, ac yn ychwanegol i adrannau Boom, Boom Cymru, Boom Social a Boom Plant, mae’r grŵp hefyd yn cynnwys cwmni adnoddau ac ôl-gynhyrchu blaenllaw, Gorilla; cwmni effeithiau arbennig a graffeg, Bait Studio; a’r cwmni animeiddio rhyngwladol, Cloth Cat.
Disgrifiad Swydd
Rhedwr Boom Plant
Mae’r Rhedwr yn gweithredu fel cynorthwyydd cyffredinol o fewn yr Adran ac ar gynyrchiadau byw ac ar leoliad ar draws Cymru i helpu sicrhau fod y cynhyrchiad yn rhedeg yn esmwyth.
Mae’r rôl yn cynnig cyfleuon i ennill profiad hanfodol o’r broses o gynhyrchu cynnwys ac yn cynnig cyfleuon rhwydweithio eang sy’n werthfawr o fewn y Cyfryngau.
Bydd y rôl yn cynnwys:
- Nôl a chludo props ac offer sy’n gysylltiedig â’r cynhyrchiad
- Cludo plant, cyflwynwyr, cast, criw a staff cynhyrchu i leoliadau saethu a stiwdios;
- Gyrru ceir a faniau rhwng lleoliadau;
- Gwneud ymchwil sylfaenol;
- Ateb y ffôn;
- Llungopio a gwaith gweinyddol cyffredinol.
- Cymorth cyffredinol i’r adran yn y swyddfa ac ar leoliad
Gofynion hanfodol:
- Trwydded gyrru llawn a glân.
- Dylai ymgeiswyr gael 4 mlynedd neu’n fwy o brofiad gyrru (ar gyfer gofynion yswiriant, oherwydd dyletswyddau gwaith)
- Yn rhugl yn y Gymraeg
Fframwaith
Tra’n gweithio i Boom Plant byddwch yn cwblhau Prentisiaeth 12 mis Lefel 3 mewn Cyfryngau Creadigol a Digidol.
Cyflog
Cyflog i’w gadarnhau – yn dibynnol ar brofiad.
I gael rhagor o wybodaeth am yr Isafswm Cyflog Prentis Cenedlaethol, ewch i www.gov.uk/national-minimum-wage-rates
Sut i wneud cais
Cliciwch yma i lenwi’r ffurflen gais.
Os oes gennych gwestiynau am y rhaglen brentisiaeth, darllenwch y Cwestiynau Cyffredin.
Dyddiad Cau
14.00 ar y 23ain o Orffennaf, 2019